خلفتي كلها بنات حماتي قررت تجوز جوزي

ده وشوفي هو هيعمل ايه ده مش بعيد يولع في الدار دي كلها
صباح
وده ليه أن شاء الله ياختي مېت في دباديبك اوي كده بلا نيلة انا هاقوم ياحماتي اطلع شقتي ارضع الواد لحسن مبحبش ارضعة قدام حد وسبتني انا وحماتي وطلعت
فاطمة
روحي ياحبيبتي روحي رضعي الواد وبعدها طلعت
وحماتي بصت ليا وقالت
هو في ايه يابت يافاطمة مالك كده داخله بزعابيبك علينا ياختي مكنوش كلمتين بتفك بيهم مع سلفتك
فاطمة
بقا كده ياحماتي بقا عايزة تجوزي سعيد عشان يخلف لك الواد ومالهم البنات يعنى
تحيه
خلاص يابت خلصنا ويلا غوري حضري الغدا لجوزك الا زمانة راجع كمان شوية هو وأخوه وهيعوزو يتغدو
فاطمة
لا انا هعمل الاكل واروح بيه لسعيد في الغيط هو قايلي انه عايز يتغدى في الغيط النهاردة عشان هيحرطو الأرض وعندهم شغل كتير هو وعلام انا داخله المطبخ
ودخلت المطبخ وفضلت احضر في الأكل وخدته ورحت بيه عند سعيد في الغيط وقالي
سعيد
ايه يافاطمة اتاخرتي ليه كده يابت اني واقع من الجوع انا وعلام
فاطمة
معلش ياسعيد ماهو الاكل اتأخر على الڼار هو اني يعنى أقوى من الڼار
سعيد
خلاص بطلي لماضة ويلا روحي على الدار وابقي شيعي حد ياخد الصنية بتاعت الاكل لما نخلص
فاطمة
هشيع مين بس ياسعيد هبقا اجي تاني اخدها
وجه علام اخو سعيد وقال
تسلم ايدك يامرات اخويا بس شيلتي الاكل وجبتيه وانتي حامل مخلتيش صباح تجيبه وتيجي ليه
فاطمة
وماله ياسي علام لما اجيب لكم الاكل وبعدين لقيت صباح بترضع ابنها قولت اسيبها بقا واجي اني يلا انا ماشية بقا ياسعيد لحسن امك تستغيبني فوتكم بعافيه
وسبتهم ومشيت وانا راجعه البيت قابلت تهاني جارتي وقالت لي
تهاني
ازيك يافاطمة ايه يابت محدش بيشوفك ليه بقالي مده مش شوفتك هو احنا مش كنا أصحاب يابت ولا ايه
فاطمة
ابدا والله يا تهاني بس انتي عارفه العيال والدار والشغل اللي مش بيخلص فيها ده غير الحمل اللي تعبني ده
تهاني
ربنا يكملك على خير يافاطمة وتقومي بالسلامة يارب ان شاء الله ده انا سمعت صباح سلفتك بتقول انك هتجيبي بنت كمان وعماله تتكلم مع النسوان في السوق وبتقول قال ايه