قصه رجعت من السفر كامله

يا حبيبتي اعمليلي فطار يلا...
ندي
طيب ممكن توطي صوتك شويه عشان خاطر احمد والفطار قدامك اهو يا هناء كلي..
هناء
نعم نعم انتي عايزاني اكل مكانه لا طبعا انا بقرف روحي اعمليلي فطار غيره...
ندي
بجد انتي ما عندكيش رحمه ده جوزك اعملي خير عشان ربنا يكرمك...
هناء
اعملي انتي الخير يا اختي وقومي جهزيلي فطلر وانت مالك بتبص ليا كده ليه هو انت شايف عفريت قدامك...
ندي
ما لكيش دعوه بيه وتعالي يا احمد معايا نجهز ليها الفطار في المطبخ..
هناء
اوعي تخليه ېلمس الاكل بتاعي انتي عارفه ان نفسي عفيفه وبقرف من أقل حاجه ...
ندي
حاضر يا هناء اللي تشوفيه ...ودخلت هي واحمد جهزو الاكل ..
هناء وهي بتاكل
حلو الفطار تسلم ايدك يا ندي ايه ده انتي هتعملي ايه..
ندي
هقعد افطر يا هناء ما انا كنت بفطر احمد وما فطرتش...
هناء
ابقي افطري في المطبخ يا ندي معلش اصل انا بحب تفطر لوحدي وقومي اغسلي الهدوم بتاعت الواد ده وروقي الشقه الاول...
تدي بحزن
حاضر يا هناء هتجملك لحد بس ما ابراهيم جوزي يرجع من السفر وهمشي..
هناء
طيب بطلي رغي وامشي شوفي نفسك هتعملي ايه ..
وفي بيت اهل جوز ندي رجع ابراهيم جوزها من السفر وقال لأمه..
ابراهيم
انتي متأكده يا أمي ان ندي عملت كده...
الام بحزن
ايوه ولو مش مصدقني اسأل اخواتك البت هي واختها مدو ايدهم عليا وقالو عليك مش راجل كمان..
ابراهيم
اخص عليكي
يا ندي بقي بعد ما لمېتها من الشارع واتجوزتها وكمان وخليتها تجيب اختها المطلقه وتخليها تقعد في بيتي تقوم تعمل كده في امي...
الام
انت خلاص ما تبقاش عليها دي واحده مش شيفاك راجل ..وكمان انت متحملها وهي مش بتخلف.
ابراهيم
يا أمي ما الدكاتره قالو انها كويسه وما فيش فيها حاجه ...
الام
اخص عليك يا واد يا ابراهيم هو انت لسه باقي عليها لحد دلوقتي..
ابراهيم
لا يا أمي والله مش باقي عليها ولا حاجه
وايه رايك انها مش هتفضل علي ذمتي
دقيقه واحده ..
الام
ايوه يا واد اعمل كده وانا والله لجوزك ست ستها ..
ابراهيم
بلاش جواز دلوقتي يا اما كفايه اللي شوفته واللي حصل من اللي ما تتسمي دي...
وتاني يوم في بيت هناء كانت ندي واقفه بتغسل المواعين وقرب منها احمد وقال..
احمد
ندي في واحد بره واقف علي الباب وبيقول انه عايزك..
ندي
وانت تفتح ليه يا احمد الباب انا كده هزعل منك..
احمد
ما هو الباب اللي خبط وما تزعليش يا ستي والله مش هفتح تاني..
ندي
انت جميل اووي يا احمد تعالي نشوف مين ده اللي علي الباب اللي عايزني...وطلعت ندي لقيته موظف وقال..

الموظف
انتي ندي عبد الواحد..
ندي
ايوه انا خير يا استاذ في ايه...
الموظف
امسكي امضي علي الاستلام...مضت ندي واخدت المحضر. الموظف مشي..
ندي پصدمه
يا نهار مش فايت ابراهيم طلقني...وفضلت ټعيط وراحت قعدت واحمد قعد جنبيها وقال..
احمد
ما تزعليش وانا هتجوزك يا حبيبتي..
ندي پبكاء
اما مش ببكي عليه انا بعيط علي حظي يا احمد اروح فين بس دلوقتي..
احمد
تعالي نروح عند ماما ونقعد معاها انا وانتي..
ندي ابتسمت وقالت
خلاص يا احمد مش زعلانه تعالي بس اقعد اتفرج علي التلفزيون...
وبعد فتره راحت هناء لام احمد وقعدت معاها وقالت ليها..
هناء
معلش يا حماتي بس انا برضو عايزه اضمن حقي مع ابنك...
الام
انا بجد مش فاهمه انتي ازاي كده ده بدل ما تقولي أن جوزك يتعالج ويبقي كويس..
هناء
يا اختي اللي كان بيتعالج كان اتعالج من زمان ابنك ما فيش منه رجا وانا من رأي تبطلي العلاج اهو توفري عليكي مصاريف..
الام پحده
والله ما اخدنا قرش من البيت عشان تقولي ايه اللي ينفع وايه اللي ما ينفعش..الا قوليلي هي اختك بعد ما أطلقت انتي وهي هتروحو فين لو حصلت حاجه..
هناء
لا يا حماتي ما تشغليش بالك انا واختي هنعرف نظبط أمورنا وبعدين ابنك بقي متعلق بيا واختي ولو سيبناه الله واعلم هيحصل فيه ايه..
الام
وانتي عايزه ايه يعني من الاخر يا مرات ابني ياللي وشك الأصفر الدمويه بقت تجري فيه من خيري وخير ولادي...
حطت هناء رجل علي رجل وقالت
اممم عايزه الشقه اللي قاعده فيها تبقي باسمي...
الحما
لا طبعا ايه الكلام اللي انتي بتقوليه ده اصلا الشقه اللي انتي فيها دي بتاعت سمير

ابني ..
هناء.
بتاعت سمير بس مكتوبه باسمك انتي