انا وابويا /الجزء الاول

انت كلمتني وقولتلي تعالي خد بنتك وانا جيت اخدها ولما اعرف اربيها هبقي اجيبهالك يلا يا مريم هاتي هدومك انتي وابنك وتعالو معايا..
مريم بدموع
طيب انا هروح ادي العلاج لعمي الاول وبعدين اجي معاك يا بابا..
اخد. منها ايهاب العلاج وقال
انتي ما لكيش دعوه تاني بابويا انتي فاهمه. ولا لا..
جمال پحده
يلا يا مريم اعملي اللي قولتلك عليه ويلا بينا من هنا..
_ وفعلا راحت مريم لمت هدومها واخدت ابنها ومشيت مع جمال ودخل ايهاب عند حمدي اللي كان تعبان جدا وقاله..
ايهاب
العلاج اهو بس نتيجة اني زعلت مراتي وحصلت مشكله بينا بسببك انت مش هتاخده وهتفضل تعبان كده..
حمدي بتعب
مدام انت هتكون مرتاح كده خلاص يا ابني مش عايزه..
ايهاب بسخريه
بلاش والنبي جو الطيبه ده مش لايق عليك خالص ومش هيأثر فيا وعلي فكره انا لو مقعدك هنا بس عشان الناس ما تقولش حاجه عليا انما انا لو عليا ارميك في الشارع وده نفسي اعمله بصراحه..
حمدي بدموع
حرام عليك يا ايهاب ده انت حتي عندك ولد اييه مش خاېف ربنا يرد فيك اللي انت بتعمله فيا ده..
ايهاب
انا مش هعمل في ابني زي ما انت عملت اوعي تكون نسيت اللي عملته فيا وفي امي زمان بس انت لو نسيت انا مش هنسي..
حمدي
كانت غلطه يا ابني ومهما عملت انا ابوك وليا حق عليك انك تراعيني وتراعي ربنا فيا..
ايهاب
انا ما اخدتش منك اي واجب من اللي كانو عليك عشان اديك حقك يا بابا...
_ قال كلامه وسابه وطلع قعد بره وكان مدايق جدا ودموعه نزلت وهو بيفتكر اللي حصل من خمسه وعشرين سنه لما كان عنده عشر سنين..
_فلاااااااااش باااااااااك
_ كان ايهاب قاعد هو ومامته في اوضتهم وفجأه سمعو صوت دوشه بره وفاطمه قالت..
فاطمه
ايه الصوت اللي بره ده معقول حمدي جاب حد معاه..
ايهاب
تحبي اطلع اشوف مين معاه بره واجي اقولك..
ابتسمت فاطمه وقالت
لا يا حبيبي احنا نطلع مع بعض استني بس هحط طرحه علي راسي..
_ ولبست فاطمه حجابها وطلعت لقيت حمدي جوزها قاعد ومعاه واحده لابسه فستان فرح...
فاطمه بدموع
مين دي يا حمدي وبتعمل ايه في بيتي انت اتجوزت عليا..
حمدي
ههههه بيتك ايه يا ام بيتك انتي وليه عيانه والمړض مخليكي مش عارفه تاخدي بالك مني وانا لسه في عز شبابي وعايز اعيش ايامي..
فاطمه پبكاء
اخص عليك وعلي اصلك بقي بعد العشره دي كلها مش قادر تتحملني بعد ما ربنا ابتلاني ب مرضي ده..
حمدي پحده
انتي بتغلطي فيا يا وليه طيب ايه رئيك انك مش قاعده فيها لا انتي ولا ابنك..
فاطمه بحزن
امشي اروح فين انا وابنك ما انت عارف ان امي ست كبيره وظروفها علي قدها والا والله كنت روحت قعدت عندها ولا اني اشوف وشك..
حمدي بغيظ
طيب ايه رئيك انك طالق متي بالتلاته وما تتعبيش نفسك بقي اكتر من كده وروحي شوفي هتروحي فين..
عيطت فاطمه وقالت
طلقتني يا حمدي طبعا ما انت استغليت ان اهلي غلابه وما كتبتش قايمه فمش هتخاف تطلقني بس ابنك ده انا هصرف عليه منين..
حمدي
ماليش دعوه هو ابني لوحدي وبعدين مش عايز حاجه تفكرني بيكي واوعي انتي تيجي تخبطي علي بيتي اصلا وابنك اشحتي عليه حتي ماليش دعوه..
فاطمه بسخريه
هتندم يا حمدي ومن كل قلبي هدعي عليك تدوق من اللي انا بدوق منه ده..
حمدي
طيب غوري يلا بره انتي ما عندكيش نظر ده انا عريس النهارده..
_ وفعلا اخدت فاطمه ايهاب ومشيت راحت بيت امها اللي كان قديم جدا وهي ست كبيره وقالتلها اللي حصل وفضلت ټعيط..
الام
خلاص بقي يا بنتي ربنا يرضي عليكي انتي تعبانه لوحدك..
فاطمه بحزن
اهو المړض اللي بياكل في جسمي ده كوم ورميت حمدي ليا وطلاقي منه كوم تاني..
الام
ربنا كبير وقادر يصلح الحال..
فاطمه پبكاء
هجيب منين بس يا امي فلوس مش معايا ولو مش هجيب العلاج بتاعي الواد ده مش عايز مصاريف مدرسه واكل وشرب اجيب منين..
الام بحزن
انا هكلم اخوكي يزود القرشين اللي بيبعتهم ليا..
فاطمه بسخريه
هو انتي فاكره ان جمال ممكن يديكي فلوس زياده ده لا بيطيقني ولا بيطيق حمدي هيصرف علي ابنه..
الام
يا بنتي اهو اقوله يمكن يبعت..
فاطمه
انا مش هشحت علي ابني ولا هخلي مرات جمال ترميلي صدقه ولا بواقيها هي وبنتها لا انا هنزل اشوف