انا وابويا /الجزء الاول

وقبل ما نبدأ حكايتنا اعرفكم علي بطلتنا النهارده واللي اسمها مريم وعندها تلاتين سنه وعايشه هي وجوزها وابنها وحماها في شقتها قي منطقه كويسه..
وفي يوم دخلت عند جوزها اللي كان نايم وقالت وهي مټعصبه جدا..
مريم
ايهاب قوم لو سمحت ايهااااب..
قعد ايهاب وقال
في ايه يا مريم حتي يوم الاجازه بتاعتي مش عارف ارتاح فيه منك..
مريم. بضيق
كتر الف خيرك بصراحه علي اساس اني قاعده فوق راسك يعني..
ايهاب
عايزه ايه يا مريم علي الصبح..
مريم
هو انا مش كلمتك امبارح بالليل وقولتلك وانت راجع من بره تجيب معاك العلاج بتاع ابوك ما جيبتوش ليه بقي..
ايهاب ببرود
نسيت وبعدين انتي مصحياني عشان تسأليني علي الموضوع ده يعني!..
مريم پحده
وهو ده موضوع ساهل يعني عمي تعبان اووي جوه..
ايهاب وقف وزعق فيها وقال
صوتك ما يعلاش عليا يا بت جمال ولا تحبي اكلم ابوكي يجي يشوف حل معاكي..
مريم
لا حول ولا قوة الا بالله بص يا ايهاب لو سمحت انزل هات العلاج لابوك ما ينفعش كده ده تعبان اووي..
ايهاب
طلعي نفسك بره الموضوع ده انا لما ابقي انزل كمان شويه اجيبله روحي جهزيلي الفطار..
مريم پحده
انت ايه ما عندكش رحمه ده ابوك وبقولك تعبان جدا وانت بقالك تلات ايام مش جايبله العلاج وتقولي كمان شويه..
ايهاب مسكها من دراعها جامد وقال
لاخر مره اقولك مالكيش دعوه واطلعي جهزيلي الفطار يلاا...
_قال كلامه وسابها ودخل الحمام ومريم طلعت راحت اوضة حماها لقيت ابنها الصغير قاعد هناك جنبيه وزعلان..
مريم
اا والله يا عمي اول ما قولت لايهاب قالي انه تعبان وقالي انزل انا اجيبلك العلاج..
حمدي
مالوش لزوم يا بنتي تتعبي نفسك هو لما هيخف يبقي ينزل يجيبه..
مريم
وفيها ايه بس يا عمي لما انا انزل اجيبه هو مش انا بنتك برضو..
حمدي بدموع
واغلي من بنتي كمان ربنا يكرم اصلك يا بنتي ويراضيكي دنيا واخره...
وقف اياد ابنها وقال
ماما انا عايز اجي معاكي والنبي وهاتيلي شوكلاته..
مريم
لا يا اياد ما ينفعش خليك قاعد مع جدو لحد. ما اروح بسرعه واجي....
_ وفعلا مريم غيرت هدومها بسرعه واخدت فلوس ونزلت عشان تجيب العلاج لحماها وطلع ايهاب من الحمام ولقي اياد قاعد في الصاله بيعيط..
ايهاب
مالك يا ايدو يا حبيبي بټعيط ليه كده..
اياد بحزن
كنت عايز انزل مع ماما عشان تجيبلي شوكلاته وهي ما رضيتش..
ايهاب بضيق
هي امك نزلت راحت فين..
اياد بحزن
راحت تجيب العلاج لجدو وانا عايز شوكلاته...
ايهاب
هكلمها تجيبلك وهي جايه بطل عياط انت بس..
ودخل عند باباه وقال بعصبيه
انت يا راجل انت عايز مني ايه ما تسيبني في حالي بقي انا قرفت منك..
حمدي بدموع
انا عملت ايه بس يا ابني انا اهو قاعد ساكت..
ايهاب پحده
فين ده اللي ساكت انت فاكرني انا ومراتي شغالين عندك..
حمدي بقلق
ليه بس يا ابني بتقول كده انا زعلتك في ايه بس..
ايهاب پحده
انا مش عايز اجيبلك علاج انا عايز اشوفك متعذب تقوم تخلي مراتي تنزل من ورايا تجيبلك علاج اييييه عايز تخربلي حياتي مش كفايه اللي عملته زمان...
حمدي
والله العظيم قولتلها ما تروحش بس هي اللي صممت عشان شافتني تعباان..
ايهاب
هي انا هعرف كويس ازاي اربيها انما انت حسابك معايا تقيل هو مش العلاج ده. مسكن للالم اللي في جسمك انت تقعدلك اسبوع من غيره عشان تفكر تعمل مشكله تاني بيني وبين مراتي.
حمدي پبكاء
حقك عليا يا ابني انا راضي بكل اللي انت تعمله كفايه انك كويس وبصحتك...
_ ادايق ايهاب من طريقته وطلت بره وبعد شويه رجعت مريم من بره وهي معاها العلاج بس اټصدمت لما لقيت ابوها قاعد هو وايهاب قصادها..
مريم
بابا خير يا حبيبي في حاجهماما كويسه ..
ايهاب پحده.
حمد لله علي السلامه يا هانم كنتي فين بقي من غير ما تقوليلي انا بقي جيبتلك ابوكي اهو عشان يبقي شاهد علي تصرفاتك..
مريم بقلق
يا ايهاب والله انا روحت اجيب العلاج لعمي حتي اهو معايا ومالقتوش غير في الصيداليه اللي اخر الشارع اللي ورانا..
جمال بقلق
تعالي يا بنتي معايا انتي وابنك دلوقتي..
مريم قربت من ايهاب وقالت
يا ايهاب والله العظيم كنت فاكره اني هلاقيه تحت بس ما لقيتوش والله وروحت ادور عليه عشان كده اتاخرت..
ايهاب پحده
وانا قولتلك لا يعني لا المفروض تسمعي كلام جوزك بس ازاي بقي انتي لازم تحشري نفسك في اللي مالكيش فيه..
جمال
خلاص بقي يا ابني