انا ومرات ابويا

كتير وابني كبر وبقي سيد الرجاله وانا عايزه افرح بيه
نور
انا مش فاهمه انتي بتلمحي لايه يا مرات ابويا ما تتكلمي علي طول
فايزه
هقولك يا نور انا اتفقت مع ابوكي اننا نقرا فاتحتك انتي واسلام ابني ونعمل خطوبه قريب واهو يبقي زيتنا في دقيقنا
نور بعصبيه
بلا زيت بلا مايه يا مرات ابويا ويكون في علمك اللي انتي عايزااه واني اتجوز النطع ابنك مش هيحصل ولو كنت بسكت وبخدمك واقول حاضر ونعم فده عشان ابويا هو اللي بيطلب مني كده وانا مش عايزه ازعله انما تتحكمي في مستقبلي ده اللي مش هسكت ليكي عليه ابدا
قالت كلامها واخدت ياسين اخوها ودخلت جوه واسلام طلع من المطبخ وهو متعصب وقال
اسلام
عاجبك كلام بنتك ده يا عمو صلاح..
صلاح بقلق
لا بس معلش اديها وقتها وانا هتكلم معاها وهقنعها..
اسلام
طيب اتفضل الشاي يا عمي واشربه سخن بقي اوعي تسيبه..
صلاح
حاضر يا ابني شكرا وتسلم ايدك يا ابني..
قربت فايزه من اسلام وقالت بصوت واطي
ها عملت زي ما اتفقنا..
اسلام
ايوه خليه يشرب بالشفااا...
_وتاني يوم الصبح صحيت نور علي صوت مرات ابوها بتصوت ولما طلعت من الاوضه هي واخوها قالت فايزه..
فايزه پبكاء
ابوكي سابنا يا نور بقيتي يتيمه ياااا نور..
نور بدموع
هو فين انا عايزه اذوفه طيب نجيب دكتور..
مسكها اسلام من ايدها وقال
اهدي يا نور مش هينفع تشوفيه الدكتور قال لازم يوديه المستشفي عشان التشريح ونعرف ايه سبب الوفاه..
_ راحت نور حضنت ياسين اخوها وفضلت ټعيط وكان ياسين بيبص لفايزه بحزن.. وبالليل كانت نور قاعده جنب مرات اخوها في مسجد بسيط بياخدو العزا ودخل خالد وريم صاحبتها..
حضنتها ريم وقالت
البقاء لله يا نور يا حبيبتي ربنا يصبر قلبك ياارب..
نور
ولله الدوام يا ريم ربنا يرحمه..
سلم خالد عليها وقال
البقاء لله يا نور انا مش عايزك تشيلي هم اي حاجه انا معاكي ومش هسيبك ابدا..
قبل ما ترد عليه قرب منه اسلام وقال بصوت عالي قدام الناس كلها..
اسلام
وانت بصفتك ايه بقي يا جدع انت مش هتسيبها..
خالد
انا بتكلم معاها هي مش بكلمك انت وياريت تحترم الموقف اللي احنا فيه يعني غلط اللي انت بتعمله ده..
اسلام
جرا ايه ياااااه هو انت اللي هتعلمني اتكلم ازاي وما اتكلمش ازاي..
فايزه
ما تشوفي معارفك دوا اللي جايين يعملو نشاكل في عزا ابوكي يا نور..
نور بضيق
لو سمحت يا خالد انا اسفه والله بس ياريت تمشو..
ريم بحزن
لا ولا يهمك يا حبيبتي احنا سايفين اللي انتي فيه..
خالد بص پحده لاسلام وقال
ربنا يصبرك يا نور وزي ما قولتلك احنا مش هنسيبك وفي اي وقت تحتاجي حاجه احنا موجودين..
فايزه
كتر الف خيرك يا اخويا يلا خد اختك ومن غير مطرود...
_ومشي فعلا خالد ومعاه ريم اللي مانو زعلانين علي حال نور واللي بتعمله فيها مرات ابوها وابنها...
وبعد ما العزا خلص ورجعو البيت فايزه قالت..
فايزه
بقولك ايه قبل ما تاخدي اخوكي وتخشي جوا لازم تعرفي ان ابوكي كاتبلي المحل بأسمي ونص الشقه دي..
نور
اطمني يا مرات انا من بكره هدور علي مكان هقعد فيه انا واخويا وهنسيبهالك كلها..
اسلام
ده مين ده بقي اللي هيسمحلك تسيبي البيت يا نور انتي بكره هتبقي مراتي يا روح امك..
نور بعصبيه
طلعت روحك يا بعيد انت وامك في ساعه واحده هو الجواز بالعافيه ولا ايه..
اسلام
ده انتي عايزه تتربي بقي بس مش دلوقتي لما ابقي اتجوزك يا روح امك هربيكي كويس..
ياسين مسك في نور وقال
يا نور انا عايز امشي من هنا دول هيعملو فينا زي ما عملو في بابا..
خاڤت فايزه واسلام ونور قالت
عملو ايه يا ياسين اتكلم ما