حماتي وسلفتي

هتعملي ايه ياما انتي هتتخانقي معاها ولا ايه هي عملت ايه بس
الام
انا حاسة ان البت دي مخبية علينا حاجة ولازم اعرفها منها
جمال
هتكون مخبية ايه بس ياما
الام
معرفش هي تقول بقا خليها تنزل
ونزلت ليها وقولت
خير ياماما في ايه ازهار قالت لي انك عايزاني
الحما
ااه ياختي عايزاكي ياسينورة وعايزة اعرف بقا ابني سايب ايه وانتي تعرفة عنه ايه بالظبط
حسناء
طيب ما انتو كلكم عارفين ان مصطفى كان عنده شركتة وشغله يعنى مش انا بس اللي اعرف
جمال
هي امي بس عايزة تعرف منك هل مصطفى قالك حاجة عن الشركة او عن فلوسة او حاجة
حسناء
لا معرفش هو قالي ان المحامي بتاعه اللي يعرف عنه كل حاجة اسالوه
الام
ماحنا لسه راجعين من عنده دلوقتي وقالنا انه مش هيفتح الوصية غير بوجودك
حسناء
خلاص يبقا نروح كلنا للمحامي ونعرف ايه الحكاية
الحما
والله لو عرفت انك عارفه حاجه يا بت انتي ومش عايزه تقولي متعرفيش هعمل فيكي اي
وبعد يومين رحنا كلنا للمحامي ودخلنا وحماتي قالت
الحما
اتفضل يا استاذ اديني جبنا مرات ابني اهيه اتفضل بقا خلصنا
المحامي
تمام دلوقتي اقدر اقرا لكم وصية المرحوم مصطفى
وفتح الوصية وقرا اللي مكتوب فيها وقال
وبكده وبعد ما قرأت الوصية قدامكم واللي مكتوب فيها ان المرحوم مصطفى كتب كل املاكة باسم مدام حسناء
حماتي ثارت واتعصبت وقالت
نعم ياخويا انت بتقول ايه ياراجل انت بتقول ايه هي مين دي اللي ابني كتب ليها كل املاكة
جمال
اهدي يا أمي مش كده
المحامي
ارجوكي ياهانم ماينفعش اللي حضرتك بتعمليه ده انا بلغتك وصية المرحوم واظن الوصية محدش يزعل منها
ممدوح
يلا ياما نمشي ونتكلم في بيتنا يلا
ورجعنا البيت وحماتي قالت
الام
شايف ياجمال انت وممدوح بقا بنت الكلب دي تاخد تعب وشقي ابني كله ليها ليه يعنى
جمال
هي مالها ياما ماهو ابنك هو اللي كتب كل حاجة ليها انتي بتحاسبيها ليه بس
الام
ده انا هطلع عين اللي جابوها تعالي يابنت الكلب ومسكتني شدتني من شعري قدام ولادها الرجالة وممدوح قاله
ممدوح
ما بس بقا ياما عيب اللي انتي بتعمليه فيها ده دي مهما ان كانت مرات ابنك
الام
اسكت انت دي حرباية وضحكت على اخوك لحد ماكتب ليها كل حاجة