جوز اختي استغل طلاقي من جوزي وعايز يكون معايا

كان دايما بيحس انك حنينة وقلبك ابيض وطيب عن سالي اختك يافريدة يابنتي
فريدة
الله يرحمة ياداده المهم خالو قالي انك ليكي مبلغ وان شاء الله بكرة هيكون عندك
أمينة
مبلغ ايه بس يافريدة انا عايزة في خدمتك هنا
فريدة
طبعا يادادة انتي هتفضلي زي مانتي هنا وبلاش خدمتك دي انتي زي ولادتي وربنا اللي عالم
وعدت الايام وانشغلت في الشركة ومسكت شغل خالي ورجعت البيت لقيت مروان جوز اختي لما شوفت قولت
اهلا يامروان ايه النور ده امال فين سالي مجاتش معاك ليه هي لسه برضو شايلة مني دي وحشتني اوي
مروان
معلش يافريدة هي بس هتهدي وهتجيلك
فريدة
بس عدت ايام كتير اوي وهي لسه مش بتكلمني انا عايزة نرجع انا وهي زي الاول وكمان عشان مالك الا هو عامل وحشني اوي
مروان
وانتي كمان وحشتية اوي يافريدة ووحشتينا كلنا والله
فريدة
تقصد ايه يامروان بالكلام ده
مروان
ولا حاجة يا فريدة بس عايز اقولك من ساعت ما بعدي عننا والحياة بقت ممله ورخمة اوي عشان كده جيت اشوفك لانك وحشتيني بجد
فريدة
مروان ارجوك ايه اللي انت بتقوله ده متنساش انك جوز اختي وانك زي اخويا
مروان
انتي بتعتبريني زي اخوكي بس انتي في نظري حاجة تانية خالص صدقيني يافريدة انا نفسي تبقي معايا متتصوريش حياتي مع سالي عاملة ازاى في فرق بينك وبينها كبير اوي
فريدة
ارجوك يامروان ميصحش كده انت جوز اختي وانا لا يمكن ابص لجوز اختي
مروان
اختك ايه بس يافريدة اختك دي سبتك وبعدت عنك عشان خاطر الفلوس عشان خاطر انتي اخدتي كل حاجة لأنها كانت متعشمة تاخد الفيلا والشركة
فريدة
انا عارفه انها زعلانة مني وانا ان شاء الله ناوية اروحلها واعوضها باللي هي عايزاه انما انت لو سمحت يامروان بلاش تفكر فيا باللي في دماغك ده
مروان
انا بحبك يافريدة بحبك وصدقيني مش عارف انساكي
فريدة
ارجوك يامروان امشي انا مش عايزة اشوفك وياريت بلاش كلامك ده بدل ماقول لسالي وهي تتصرف معاك انا مش عايزة اخرب بيت اختي
مروان
حاضر يافريدة انا همشي دلوقتي بس فكري في كلامي كويس انا عايزك جدا ومحتاجلك
ومشي مروان وفضلت افكر في كلامة
بقا معقوله جوز اختي يحبني طيب ليه دي سالي اختي زي القمر هما الرجاله كلهم كده خاينين ومروان فعلا ميفرقش عن حسام
عند سالي في البيت كانت قاعدة ودخل مروان وقال
مساء الخير ياسالي
سالي
مساء النور ياحبيبي ايه مالك انت في حاجة مزعلاك ولا ايه
مروان
ابدا مفيش حاجة ممكن تعمليلي فنجان قهوه على ماغير هدومي
ودخل مروان اوضتة وبعتلي رسالة فيها
انا اسف يافريدة لو كنت ضايقتك بكلامي بس انا والله كنت بقولك عن اللي جوايا مش اكتر سامحيني
رديت وقولت
انا بصراحة كنت جدا مستغربة يامروان من اللي قولته ليا
مروان
اصلي مقدرتش معبرش عن اللي جوايا يافريدة انا فعلا بحبك ومش قادر انساكي
فريدة
تاني ارجوك بقا يامروان كفاية كده مع السلامة
رميت التلفون من ايدي وقولت لنفسي
وبعدين معاك يامروان انت شكلك مش هتجبها لبر
وتاني يوم في الشركة جالنا مدير حسابات جديد وكان في مكتبي وقالي
انا سعيد جدا بالعمل مع حضرتك يافريدة هانم وان شاء الله اكون عند حسن ظنك
فريدة
بصراحة يا استاذ حمزه انت من وقت ماجيت الشركة هنا والشغل ماشي زي الساعة
حمزه
كلك بتوجيهات حضرتك والله انا فعلا بستفاد منك كتير
فريدة
ميرسي يا استاذ حمزه ده من زوقك والله
حمزه
طيب انا رايح على مكتبي تؤمريني باي خدمة تاني
فريدة
لا ميرسي اتفضل انت
وخرج حمزه من عندي ولقيت مروان دخل المكتب وقالي
بقالي فترة ببعتلك مش بتردي عليا ليه يافريدة
فريدة
وبعدين معاك يامروان انت مش عايز تعقل ولا ايه انا لو قولت لسالي اختي انت عارف انها مش هتسكت
مروان
انتي ليه بتعملي معايا كده هو انا مش صعبان عليكي والله حرام عليكي بجد ده انا بحبك من قلبي صدقيني
فريدة
تاني هنرجع للكلام الفارغ ده قولتلك مينفعش انت جوووز اختي الكبيره ومش هينفع لا انا ابصلك ولا انت تبصلي
مروان
انا عارف وشايف في عيونك كل المشاعر اللي جواكي من ناحيتي بس انتي اللي بتكابري ومش عايزة تعترفي
فريدة
اعترف بايه يامروان بس قولتلك مييت مرة انت اخويا وبس افهم بقا
مروان
طيب انا عايزك تيجي البيت عشان تشوفي مالك لانك وحشتيه وعلطول بيسال عليكي
فريدة
حاضر هاجي عشان خاطر مالك وبس
وحكيتلة عن موقف اختي وقالي

فريدة
والله انا نفسي اروح لها ياحمزه وكمان عشان