سرحانة في ايه يا امى

_ سرحانة في إيه يا أمي
بفكر في الله
_ بتفكري فيه ازاي
بفكر فيه بقلبي
_ بس الناس بتفكر بالعقل مش بالقلب
وربنا يتشاف بالقلب مش بالعقل
_ هما مش بيقولوا في المثل ربنا عرفوه بالعقل
مثل عب يط زيك العقل صغير وعلى قد حاله كوباية مش ممكن تساع ماية المحيط
_ والقلب كبير
القلب اللي تنور فيه محبة ربنا يتسع ويساع الكون كله
_ شايفاه ازاي يا أمي
شايفاه لوحده ومش شايفه شيء ولا حد معاه العين اللي تشوفه متعرفش تشوف غيره
_ وانتي عينك شافته
عيني بتاعته وقلبي بتاعه وكلي ملكه بيوريني اللي عايزني اشوفه بيب كيني وقت ما يحب ويضحكني وقت ما يحب
_ يضحكك ماشي بس ليه يبك يكي

وأنه هو أضحك وأبكى

_ مبتزعليش لما بيمسك ضر

يا واد كل اللي ييجي من حبيبي حبيبي

_ مين بياخدك منه

لا إنس ولا ج ن موجود حواليا في كل شيء حتى في نفسي هروح منه فين وهو هيسيبني لمين

_ عايز اشوفه زيك

غمض عينيك

_ اهو

شايف إيه

_ ضلمة

ركز في الضلمة دي

_ مش شايف غير ضلمة

تخيل ان هو اللي أوجد كل موجود وهو اللي خلق كل شيء بيتنفس أو مبيتنفسش

_ الله

تخيل انه مفيش قبله ولا بعده انه الأول بلا ابتداء والآخر بلا انتهاء

_ سبحانه

سامع دقات قلبك دلوقتي

_ سامعها

هو اللي خلى قلبك يدق عشان يحبه هو اللي خلقك عشان تحبه واصطنعتك لنفسي

_ عمري ما فهمتها

هو حبك في الأول وبعدين خلقك عشان تبادله الحب بحب بس انت مش هتقدر تحبه قد ما هو بيحبك

_ بيحبني اكتر ما بحبه

بكتير أوي وبيغ ضب لما تبعد عنه وبيفرح برجوعك ليه وإن أتاني يمشي أتيته هرولة

_ بيحبني وانا بغ لط في حقه

وانت ايش تكون يا غ لبان عشان تغ لط في حقه انت بتغ لط في حق نفسك

_ ممكن يسامحني

أكيد هيسامحك اللي بيحب بيسامح وهو اللي خلق الحب وادانا

جزء صغير منه وخلى الباقي لنفسه

_ الله

قول تاني

_ الله .. الله .. الله

اهو سامعك دلوقتي

_ هيرد عليا

دايما بيرد عليك ودايما بيبعتلك رسايل بس انت مش دايما بتفهمها

_ اسمه بيهز قلبي لما بنطقه

يبقى بدأت تنطقه بقلبك مش بلسانك شايف ايه في الضلمة

_ مش شايف ضلمة شايف نور

يبقى بطلت تشوف بعينك وبدأت تشوف بقلبك

_ ازاي أوصله

عود قلبك يحبه هتسعد لو حبه دخل قلبك هتشوف الجنة على الأرض

_ عايز أسجد

علم قلبك يسجد الأول ياما جباه بتسجد وقلوب أصحابها ساكنها الكبر

_ الله .. الله .. الله .. الله

رددها على قد ما تقدر حفظها لقلبك القلب اللي يساع اسم الله ميساعش معاه أي شړ .