من اروع القصص الي ممكن تقرأها !!

قبل ما نبدأ حكايتنا اعرفكم على بطلتنا اسمها سميرة عندها 65 سنة عايشة لوحدها بعد ما بناتها اتجوزو
وفي بنتها الصغيره ولاء متجوزة وعايشة مع جوزها برة مصر كانت بتكلمها اتصال وقالت لها
عاملة ايه يا ماما طمنيني عليكي وفي حد بيشوف طلباتك ولا لا يعني ايمان ومنال بيجو عندك وكده
سميرة
انا كويسه ياولاء ياحبيبتي اطمني
وسكتت شوية وقالت
اه يابنتي بيجو بس مش كتير الله يعين كل واحده على حالها وبيتها وولادها
ولاء
معلش ياماما انا عارفة انهم مقصرين معاكي انا لو كنت جنبك مكنتش هسيبك بس انتي عارفة اني هنا عشان شغل سامح جوزي ومش عارفين ننزل مصر
سميرة
ومالو يابنتي معلش ربنا يعينك انتي وجوزك واطمني عليا انا كويسة وبعدين تهاني جارتنا بتيجي تشقر عليا وتعملي اكلي وشربي وكل حاجة
ولاء
طيب كويس تهاني غلبانة برضو وبتحبك ياماما
سميرة
ما انا عارفة والله يابنتي ربنا يجازيها خير على اللي بتعمله معايا
ولاء
طيب ياماما اسيبك انا دلوقتي وهبقا اكلمك بعدين سامح بيسلم عليكي يلا مع السلامه
وقفلت معاها ولاء وجوزها كانت داخل عليها وقالها
مامتك عاملة ايه ياولاء

ولاء بتنهيدة

هيييي بتقول انها كويسه يا سامح انا مش عارفة اخواتي ازاى يجلهم قلب يسيبو ماما كده لوحدها تصور يا سامح جارتنا هي اللي بتخدمها

سامح

متعرفيش ظروف حد يا ولاء اكيد اخواتك مشغولين شوية

ولاء

وايه اللي ممكن يشغلهم عن ماما انا نفسي ننزل قريب يا سامح انا ماما وحشتني

سامح

حاضر قدامي فترة كده وننزل مصر

وعند سميرة قاعدة في شقتها ودخلت عليها تهاني فتحت بالمفتاح اللي معاها دخلت وقالت

تهاني

صباح الخير ياحجة سميرة عاملة ايه النهاردة معلش اتاخرت عليكي اصلي نزلت السوق اجيب لك شوية اللي طلبتيها مني اكمني صحيت من النوم متأخرة

سميرة

ولا يهمك ياتهاني المهم انك جيتي يابنتي ده انتي كتر خيرك انك شايفة طلباتي وشقري عليا وانا لوحدي

تهاني

وانا بعمل ايه بس يعني ياحجة ده انا اخدمك بعنيا وبعدين انتي بتديني اجرتي يعنى مش بعملك ببلاش والله انا ان كان عليا افضل خدامك تحت رجلك طول العمر

سميرة

ربنا مايحرمني منك ياتهاني يابنتي ده انتي معايا احسن من بناتى ربنا يكرمك يابنتي الا صحيح روحتي للدكتور ولا لا

تهاني

اروح فين بس ياحجة هو الموكوس فتحي راضي يجي معايا ده مش راضي ابدا ويقولي كفاية عليا التانيه وعيالها انتي عايزة تخلفي انتي كمان ليه اقوله ياراجل وانا مالي بمراتك التانيه اللي اشوف فيها يوم دي انا نفسي اخلف حتة عيل يقولي ماهو لو كنتي هتخلفي كان زمانك خلفتي من زمان وعلى كده

سميرة

معلش ياتهاني ربنا يكرمك ان شاء الله

تهاني

انا خلاص ياحجة سلمت أمري لله وبعدين انا خلاص داخلة على الأربعين سنة هخلف امتى بقا

سميرة

مفيش حاجة بعيدة عن ربنا يابنتي

تهاني

ونعم بالله ياحجة بس ما هو فتحي جوزي خلاص راح اتجوز عليا وخلف ومبقاش عايز حاجة مني وانا بقيت محطة بيجي يريح فيها من دوشة عيالة ويمشي يلا الحمد لله انه لسه مخليني على زمتة الكلام خدنا ومجهزت ليكي الفطار

سميرة

مش مهم براحتك انا لسه واخده العلاج اللي قبل الأكل من شوية

تهاني

طيب انا هاقوم بقا احضر لك الفطار عشان الدوا اللي خدتية

ودخلت تهاني المطبخ تحضر الفطار للحجة سميرة وجالها تليفون من اختها وقالت

الووو ايه ياسعاد نازلة رن رن في ايه قلقتيني

سعاد

مش بتردي ليه ياتهاني علطول هو انا لازم ارن كذا مرة

تهاني

معلش كنت قاعدة بتكلم مع الحجة سميرة والتليفون في أيدي معرفتش ارد عليكي هو في حاجة ولا ايه

سعاد

مفيش ياختي بس كنت عايزاكي تعدي

عليا بالليل اروح لدكتور الضغط على

عليا اوي ياختي ومبقتش شايفه
تهاني
خلاص هخلص الشغل هنا وانزل اعدي عليكي
سعاد
ربنا يخليكي ليا ياتهاني ياختي
وخرجت بالأكل عند الحجة وقالت
اتفضلي ياحجة بالف هنا وشفا
سميرة
تسلمي يا غاليه
تهاني
معلش ياحجة انا هخلص الشغل عندك واحضر لك الغدا وانزل اروح مع سعاد اختي عند الدكتور أصلها بعافية شوية
سميرة
ومالو ياتهاني روحي يابنتي طول عمرك خدومة ياتهاني ربنا يديكي على اد نيتك
تهاني
هي الست منال مش جاية لك النهاردة كانت من يومين بتقول انها جايه لك النهارده
سميرة
تيجي ولا متجيش انا مبقتش بدور يابنتي اللي عايز يسال عليا يسال البيت مفتوح اهو قدامك للي يجي
تهاني
معلش ياحجة الدنيا تلاهي برضو اكيد مشغولين بعيالهم
سميرة
ااه يابنتي مانا عارفه ربنا معاهم يارب
وعند ايمان كانت قاعدة بتاكل هي وجوزها وقالت له
بقولك ايه يا حمدي انا كنت عايزة اجيب ماما تقعد معانا يومين هنا عندي انا كنت متفقه مع منال اختي على كده
حمدي
منال اختك متاخدهاش عندها ليه بقا
ايمان
طيب وانا ايه ومنال ايه ياحمدي دي برضو امي ومينفعش نسبها لوحدها كده

حمدي

بقولك ايه يا ايمان انا مش عايز وش وۏجع دماغ انا مكفي البيت بالعافية ومش قادر على مصاريفك انتي وعيالك عايزة كمان تجبيلي امك اصرف عليها انا مش عايز كلام في الموضوع ده تاني انتي فاهمة ولا لا

ايمان

الله هو في ايه ياحمدي كل ده عشان بقولك امي تقعد عندي يومين

حمدي

تاخدها اختك منال عندها هي جوزها شغال حلو وعلى قلبة اد كده وهيعرف يصرف ويجبي براحتة انما انا على اد حالي ياست ايمان واهو اديني مش واكل سديتي نفسي انا داخل انام وسبها ودخل اوضتة

ايمان

اعوزو بالله منك راجل لما اتصل بمنال اشوفها هتعمل ايه واتصلت بمنال وقالت لها

ها يامنال روحتي لماما ولا لا كنتي بتقولي هتروحي عندها

منال

كنت ناوية اروح يا ايمان بس بصراحه مكنتش فاضية خالص العيال شاغليني خالص يا ايمان

ايمان

طيب خلاص خوديها عندك تقعد يومين معاكي انتي وجوزك والعيال اصل انا مش هعرف عشااان.....

وقبل ما تكمل كلامها منال قالت

انا مش هعرف اجيبها عندي يا ايمان اصلي مش هبقا فاضيلها خالص بودي العيال التمرين ودروس وهم كتير يا ايمان وبعدين متحمليش همها اصلا تهاني شايفه كل طلباتها وماما بتديها شهرية وانا برضو لما بروح بديها قرشين عشان تاخد بالها منها

ايمان

ماشي يامنال اللي تشوفيه انا هقفل دلوقتي عشان رايحة مشوار يلا سلام

وعند سميرة كانت قاعدة لوحدها واتصلت بواحدة صاحبتها وكانت جارتها زمان وقالت

والله وحشاني اوي ياحجة فاطمة ونفسي اشوفك ماتعدي عليا تقعدي معايا شوية اهو نسلي بعض برضو

فاطمة

والله ياسميرة نفسي اجيلك اوي بس انا مش بعرف اروح ولا اجي اصل انا اقعده مع بنتي في بيتها ومش عايزة اقولك ولا هي ولا جوزها بيرضو يخلوني امشي والعيال متعلقين بيا اوي

سميرة سمعت كلامها ده وفضلت ساكتة وسرحانة في بناتها اللي مش بيسالو عليها وفاطمة قالت

الووو الووو يا سميرة رحتي فين

سميرة

هاا انا معاكي يافاطمة معلش ياختي الظاهر ان الخط كان فصل ورجع

فاطمة

ولا يهمك ياحبيبتي على العموم انا هاشوف كده يوم واخلي جوز بنتي يوصلني عندك ونقضي يوم مع بعض

سميرة

ماشي يافاطمة تيجي تنوري ياحبيبتي هستناكي

وقفلت معاها وقالت لنفسها

يابختك ببتك يافاطمة وجوزها اللي شايلك من على الارض شيل ده ربنا يهديكم يابناتي يارب

وبعد كام يوم راحت منال لأمها وقالت

ازيك ياماما معلش انا اتاخرت عليكي الايام اللي فاتت انتي عارفة العيال ومسؤليتهم عاملة ازاى

سميرة

معلش يابنتي ربنا يعينك عليهم المهم انتي وجوزك عاملين ايه

منال

احنا بخير ياماما كله ده

وعادل بعتلك السلام هو جاي معايا

بس انتي عارفة بقا شغله الايام دي كتير في الشركة وكده
سميرة
ربنا يعينه يابنتي ويخليكم لبعض
وخرجت تهاني من المطبخ وقالت
والنبي ياست منال تخليكي مع الحجة النهارده خليكي بايتة معاها دي بقالها يومين نفسيتها تعبانه اكمن يعنى مفيش حد فيكم انتي والست ايمان بيجي عندها هنا
منال بتكلم تهاني وارتبكت وبصت لأمها وقالت
ايه ابات النهارده ااه لا اصل اااا العيال سيباهم في النادي وهعدي اخدهم ومش هعرف ابات ولا اتأخر هنا للأسف معلش هبقا اجي مرة تانية
سميرة
بزعل اللي تشوفية يابنتي وبعدين يابت ياتهاني هو انا قولت اني عايزة حد يبات معايا روحي اعملي حاجة لمنال تشربها يلا روحي
منال
لا لا مش هلحق بقا ياماما معلش بقولك العيال في التمرين لازم امشي عشان الحقهم يلا عن اذنكم وسبتهم ومشيت بسرعة
وسميرة قالت لتهاني
انتي بتقولي لها تبات عندي ليه ياتهاني هو انا هشحتهم يابنتي اللي عايزة تيجي وتفضل معايا يا اهلا وسهلا اللي مش عايزة خلاص وفتحت في العياط
تهاني
والنبي ماتزعلي نفسك ياحجة وبعدين هي شكلها مشغوله فعلا
سميرة
خلاص يا تهاني انا مبقاش ليا حد وبقيت بدعي ربنا انه يريحني من اللي انا فيه ده الوحده وحشه اوي

تهاني

ما انا عارفه ياحجة انتي هتقولي لي عليها

وبعد شوية فتحي اتصل على تهاني وقالها

انتي ياولية هو انا كل ماتنيل واجيلك الاقيكي مش موجوده في الشقة

تهاني

انا عند الحجة سميرة يافتحي وبعدين هو انت اصلا ليه مش بتعرفني انك جاي وانا استناك ولا هو لازم تيجي وتسمعني كلمتين ملهومش لازمة

فتحي

بقولك ايه يا وليه اخلصي وانجزي وتعالي بدل ماجيلك عند الوليه دي واجيبك من شعرك

تهاني

طيب جايه جايه اهو خلاص اقفل الجاعورة بتاعتك دي يلا سلام

وقفلت معاها وسميرة قالت لها

في ايه يا تهاني هو فتحي بيزعقلك ولا ايه

تهاني

ها لا لا ياحجة مش بيزعق ولا حاجة هو بس اكمنة دخل الشقه مش لاقاني موجوده فبيقولي انتي فين وكده يعنى

سميرة

طيب يابنتي سيبي اللي في ايدك وروحي شوفيه يمكن جاي يريح عندك شوية

تهاني

حاضر ياحجة هاروح له بس كان فيه طبقين في الحوض كنت عايزة اخلصهم

سميرة

لا لا سبيهم لما تبقي تيجبي الصبح ابقي اغسليهم عادي يعني

وراحت تهاني لفتحي وقالها

انتي ياوليه كل ما اجيلك الاقيكي عند الحجة سميرة ده ولادها مش بيعملو كده معاها

تهاني

الله جرا ايه يافتحي وفيها ايه يعني لو فضلت عند الحجة ماهي مش مخلياني عايزة حاجة ده غير انها بتديني شهرية مقدرش اسيبها لوحدها

فتحي

امممم طيب ياختي وفين بقا الشهرية دي

تهاني

ياراجل هو لسه الشهر خلص وبعدين المفروض انك انت اللي تديني مش تيجي تاخد مني وتروح ترمي في عب اللي ماتتسمي اللي انت متجوزها

فتحي

متغلطيش فيها ياتهاني دي ام ولادي برضو

تهاني

ايه هو غلطت في البخاري ياخويا وبعدين هي أم ولادك انا مراتك الاولانية ولا هي عشان خلفت يبقا هي الكل في الكل

فتحي

بقولك ايه انا جاي اريح دماغي عندك شوية واشربلي حجرين وامشي يبقا تقعدي ساكتة وبلاش تخليها قاعده غم على دماغك ماشي

تهاني

خلاص ياخويا ولا هتكلم ولا هفتح بوقي

فتحي

طيب يلا حضري الشيشة وهاتيها واعملي لي شاي

وعملت تهاني لفتحي اللي هو عايزة

وعند ايمان جوزها قالها

بقولك ايه يا ايمان انا اليومين دول مش معايا فلوس خالص عشان مصاريف البيت يعنى متطلبيش مني اي فلوس خالص

ايمان

ازاى يعني ياحمدي ما انت عارف مصاريف البيت والعيال وانا لسه امبارح قايلاك اني عايزة 1000 جنية عشان اجيب الخزين بتاع البيت عشان انت عارف انه معندناش حاجة خالص

حمدي زعق وقال

وانا اجبلك منين

يا ايمان بقولك مفيش فلوس هو

انا قعدلك على بنك ولا ايه افهمي يا ايمان الايام دي مفيش
ايمان
يعني انا وعيالك من الجوع ياحمدي عشان بتقولي مفيش اجيب منين انا ياريت بشتغل زي الستات اللي بتشتغل وانا كنت هجيب كل طلبات البيت ومكنتش هاقولك على حاجة انما انا حتى الشغل مش لاقيه يجيب اجيب منين
حمدي
معرفش ومليش فيه انا قولتلك على اللي عندي وخلاص وانتي بقا اتصرفي وبعدين ما عندك امك على قلبها فلوس اد كده روحي لها قولي لها انك محتاجة واكيد مش هتسيبك يعنى
ايمان
انت ياراجل معنكدش ډم انت عايزني اروح اقول لماما اديني ااكل عيالي عشان جوزي مش عارف يصرف علينا
حمدي
الله وليه لا هي مش امك برضو
ايمان
دلوقتي افتكرت انها امي ده انا فضلت يومين اتحايل عليك اجبها عندي هنا تقعد معانا يومين وانت مرضتش
حمدي
بقولك ايه يا ايمان انا مش عايز كلام كتير عايزة فلوس قولي لأمك غير كده مش هتلاقي معايا حاجة
وفضلت ايمان قاعدة تفكر في كلام حمدي جوزها
وتاني تهاني راحت عند سميرة وقالت لها
اعملك اكل ايه النهاردة ياحجة سميرة
سميرة
اعملي اي حاجة ياتهاني مانتي عارفة ان مش بيفرق معايا اكل يابنتي

وبعد شوية راحت ايمان عندها وكان شكلها زعلان وقالت

ازيك ياماما عاملة ايه النهاردة

سميرة

الحمد لله يا ايمان ايه يابنتي مالك شكلك حزينة كده ليه في ايه هو حمدي زعلك ولا ايه

ايمان

لا ابدا مفيش حاجة شوية زهق وخنقة كده بس

سميرة

من ايه ياحبيبتي احكيلي انتي هتخبي عليا يا ايمان ولا ايه

ايمان

ابدا ياماما بس انا مش عايزة اشيلك همي ولا اتعبك بمشاكلي

سميرة

اخس عليكي يا ايمان امال لو مش انا اللي هشيل همك مين اللي هيشيل همك وتعبك

ايمان

اصل ياماما...... بصراحة كده ظروفنا وحشه اوي ومش معانا فلوس نجيب بيها اكل وحاجات في البيت كده يعني وحمدي مم مش معاه وحصل بينا مشكله بسبب الموضوع ده

سميرة

طيب يابنتي مقولتيش ليه اول ما جيتي بتخبي عليا ليه يا ايمان

وطلعت كيس الفلوس وطلعت منه فلوس وقالت لها

خودي ياحبيبتي دول هاتي بيهم الحاجات اللي ناقصاكي

ايمان

كل ده ياماما دول كتير اوي انا هاخد دول بس

سميرة

لا خوديهم كلهم ياحبيبتي يعنى انا هعمل بيهم ايه العلاج وجبتة يعنى مش محتاجة الفلوس دي

ودخلت تهاني وشافت ايمان بتاخد منها الفلوس وقالت

اتفضلي ياست ايمان القهوة اهيه يارب قهوتي تعجبك بقولك ياست سميرة انا هستاذنك اروح شقتي لحسن فتحي جه هاروح اشوفه

سميرة

روحي ياتهاني روحي يابنتي

ومشيت تهاني وايمان قالت لأمها

بنت حلال اوي تهاني دي ياماما

سميرة

ايوه يابنتي فعلا وكمان نفعاني ومش بتسبني خالص بس الله يسامحة جوزها بيفضل مراتة التانيه عليها

وعند تهاني في بيتها فتحي قالها

عاملة اكل ايه يا تهاني وحشني اكلك يابت اوي

تهاني

عندي اكل من امبارح اسخنلك حالا يافتحي

فتحي

الحجة سميرة عاملة معاكي ايه يابت ياتهاني ومقالتش حاجة لما قولتي لها اني عايزك

تهاني

هي هاتقول ايه يعني يافتحي دي الحجة سميرة طيبة وقلبها ابيض زي البفته البيضة وبعدين كمان انا سبت بنتها عندها

فتحي

بنتها مين يابت انتي مش بتقولي أن محدش من بناتها يجي لها

تهاني

ايوه ماهو محدش بيجي بس النهارده بقا بنتها جات عشان عايزة تاخد منها فلوس انا شايفه الحجة بتديها فلوس يااامااا اصلا الحجة مشاء الله معاها فلوس كتير وعندها دهب كمان

فتحي بانتباه قال

انتي بتتكلمي بجد يابت ياتهاني يعنى الحجة سميرة عندها دهب كتير

تهاني

ايوه ده انا مره شوفتها بتفتح الدولاب وبتعين الدهب

فتحي

امممم ده حلوه اوي الكلام ده

تهاني

مالك يافتحي عيونك لمعت كده ليه ياخويا

فتحي

ها لا مفيش حاجة ما تجيبي

الاكل خليني اكل وامشي

تهاني

حاضر ياخويا ااه مانت

اكيد خاېف من السنيورة
ومشي فتحي راح لمراتة التانية وقالت له
جرا ايه يافتحي انت بتروح عند الست هانم وتريح عندها هو انا ياراجل مش قايلاك ترجع علطول ومتطولش عندها اللي ما تتسمى دي
فتحي
وهو انا اتاخرت ياولية ده انا كلت اللقمة وجيت علطول
شادية
امممم ده انت حتى راجع فاضي ايد ورا وايد قدام مش هاين عليك تجيب كيس فاكهة لعيالك وانت راجع
فتحي
انتي عايزة تتخانقي وخلاص ياشادية بقولك ايه لمى الدور وسبيني دلوقتي عشان في موضوع كده شاغلني وبدورو في دماغي
شادية
موضوع ايه ده ان شاء الله متشركني معاك
فتحي
موضوع يابت لو مشي زي ما انا عايز هنقب على وش الدنيا
شادية
وده يطلع ايه ده بقا ما تفطمني على الفولة ياراجل وقولي موضوع ايه ده يمكن اساعدك
فتحي
اصل البت تهاني بتروح للست جارتنا اللي ساكنة في الشقه اللي قدامنا بتروح يعني تخدمها وتشوف طلباتها وكده والحجة دي بتراضيها بقرشين البت تهاني النهارده قالتلي ان الحجة عندها دهب وفلوس بالهبل شيلاهم في دولابها وانا بصراحه بفكررر.....
شادية
بتفكر تخلي تهاني تسرقها صح

فتحي

صح بس انا عارفها فقرية ومش هتوافق انها تعمل كده

شادية

ومش هتوافق ليه ماهو هيبقي خير على الكل اتكلم معاها انت واقنعها يافتحي وانت عارف انها پتخاف منك واكيد هتنفذ

فتحي

امممم ماشي هكلمها واقولها تعمل ايه بالظبط

وكانت تهاني عند سميرة وتليفون سميرة كان بيرن تهاني قالت

الست ولاء بتتصل بيكي ياحجة اتفضلي

سميرة

ولاء ياحبيبتي عاملة ايه

ولاء

الحمد لله ياماما انا عايزة اقولك خبر حلو اوي انا نازلة مصر انا وسامح كمان تلات اسابيع وهنقعد معاكي شوية حلوين ايه رايك بقا في المفاجأة دي

سميرة

بفرحة دي احلا مفاجأه في الدنيا ياحبيبتي ياولاء ده انا هستني الايام تعدي بفارغ الصبر سلمي على سامح ياحبيبتي

وقفلت معاها وتهاني قالت خير ياحجة شيفاكي فرحانة

سميرة

ولاء هتيجي هي وجوزها كمان تلات اسابيع وهيقعدو معايا هنا ياتهاني

تهاني

طيب الحمد لله والنبي فرحتيني ياحجة

وساعتها الباب خبط راحت تفتح لقت فتحي قالت

خير يافتحي في ايه

فتحي

تعالي عايزك ضروري في موضوع مهم

دخلت تهاني مع فتحي شقتهم وقالها على موضوع السړقة قالت له

ينهار اسود انتي عايزني اسړق الست اللي لحم كتافي من خيرها انت اټجننت ياراجل

فتحي

يابت انا عايز المصلحة لينا انا وانتي وبعدين هي الحجة يعنى بتحتاج الدهب ولا الفلوس في ايه دي ركناهم احنا ناخدهم ونستفيد بيهم

تهاني

لا يافتحي مش هيحصل لايمكن اعمل كده في الست دي لا

فتحي

طب عليا الطلاق ياتهاني لو منفذتيش اللي طلبته منك لكون مطلقك وراميكي في الشقه وانتي عارفة ان الشقه بتاعتي وسبها ومشي

رجع فتحي عند شادية وقالت له

ها عملت ايه يافتحي

فتحي

مش راضية تسرقها يا شادية ومتربسة دماغها

شادية

طيب انا عندي فكرة احسن من السړقة اصل دلوقتي محدش داخل خارج عند الولية غير تهاني مراتك ولو حصل وسرقتها الولية مش هتتهم حد غير تهاني

فتحي

امال ايه الحل

انا مقدرش اعمل كده يافتحي وبعدين بنتها راجعة من السفر كمان اسبوع لا لا مش هينفع

فتحي

ما انتي تنفذي قبل البت ماترجع عشان ساعتها لو بنتها رجعت انتي مش هتعرفي تبقى مع الوليه يابت

انا عايز نقب على وش الدنيا ماتخلصي بقا ياتهاني الله

تهاني

طيب يافتحي يعنى اعمل ايه

فتحي

هتدخلي عندها وهي نايمة تتسحبي عشان متحسش بيكي وبعدين تحطي المخدة على وشها واول لما تلاقي الروح طلعت تاخدي الفلوس والدهب وكل حاجة بس خلي بالك البسي جاونتي عشان البصمات المهم تخلي كل زي ماهي بعد ماتاخدي الدهب والفلوس وترجعي شقتك والصبح لما تدخلي عندها زي مابتعملي كل يوم تروحي مصوتة ولمه الجيران وتقولي انك ډخلتي

لقيتي الحجة سميرة زي ماهي كده
تهاني
وتفتكر يعنى يافتحي محدش هيشك في حاجة
فتحي
يشكو في ايه ياعبيطة الولية كبيرة في السن انتي ممكن قبلها تعرفي بناتها انها تعبانة وحالاتها صعبه والتعب بيزيد عليها وخلاص لما تنفذي محدش هيشك في حاجة
تهاني
طيب ياخويا ماهو المفروض هيجيبو دكتور
فتحي
تهاني ماشي يافتحي هعمل كده وربنا يسترها بقا
الحقي يا ام سعيد دخلت ياختي على الحجة سميرة زي مانا متعوده اجيلها كل يوم الصبح لقيتها قاطعه النفس اتاري السر الالهي طلع وهي لوحدها ياحبيبتي ياحجة والنبي دي كانت أغلى من امي وبتعيط
الجارة
لا حول ولا قوة الا بالله الله يرحمك ياحجة سميرة اتصلي ببناتها ياتهاني خليهم يجو يابنتي يلا قوام
تهاني
والنبي ياحجة ام سعيد انا ماقادرة اتلم على اعصابي اتصلي انتي بيهم ياختي انا مش هقوم من جنب الحجة
وجات ايمان ومنال وقالو
ايه اللي حصل ياتهاني
تهاني
الحجة سميرة الله يرحمها كانت تعبانة هو انا مش ياما كلمتك ياست منال انتي وست ايمان تبقو تيجو لها علطول ولا حد فيكم كان بيعبرها لحد ماراحت وهي لوحدها ياحبيبتي ياحجة يلي كنتي عندي اغلى من امي ااه ياقلبي اللي وجعني عليكي ااه

منال

ياحبيبتي ياماما انا قصرت معاكي انا عارفة اني قصرت ربنا يرحمك ياحبيبتي ومڼهارة من العياط

ايمان

ااه ياحبيبتي ياماما ياريتني كنت فضلت معاكي هنا ومسبتكيش ابدا

تهاني

يعني دلوقتي ياست ايمان بتقولي كده والله انتو خسارة فيكم عليكم ااه ياحجة سميرة يا أمي الغالية

منال

انا هتصل بولاء عشان تيجي يمكن تلحق تودع ماما قبل ماتتدفن انتي جبتي دكتور ياتهاني

تهاني

ها دكتور ااه اه جه وقال انها ساكتة قلبيه وهيجي تاني عشان يطلع شهادة الوفاه

اهو فتحي جاب الدكتور وجه اهو

فتحي

اتفضل يادكتور ودخل فتحي مع الدكتور اللي هو جابه وطلع شهادة وفاه انها طبيعية

ورجعت ولاء واڼهارت وفضلت تصوت وقالت

ياحبيبتي ياماما ده لسه كنت بكلمها من اسبوع وبقولها اني جايه عشان اقعد معاها ملحقتش اشوفك واشبع منك ياحبيبتي

والكل كان وزعلان وعدي يوم والبنات كلهم قاعدين في شقة امهم

عند تهاني اللي كانت زعلانة عشان سميرة وفتحي فرحان بالفلوس والدهب وقال

الله يابت يا توتو على منظر الدهب وجمالة ياااه ده احنا بقينا اغنية يابت

تهاني

اسكت بقا انا مش عارفة وافقتك ازاى يافتحي انا قلبي يتقطع على الولية

فتحي

يابت الدهب والفلوس هيجمدو قلبك بطلي ندب بقا والحي ابقي من المېت

وعند بنات سميرة قاعدين يعيطو عشان امهم

ايمان قالت

انا مكنتش اعرف اني بحب ماما اوي كده منك لله ياحمدي مكنش بيرضي يخليني اخدها عندي

منال

وانا كمان يا ايمان نفسي ترجع تاني وانا مش هسيبها

ولاء

ليكم عين انتو الاتنين تتكلمو مش انتو اللي كنتو سيبنها لوحدها الله يسامحكم اهي راحت لوحدها ومحدش كان معاها

منال

بشوفها كل فترة كده واطمن عليها

ايمان

منال

ايمان طيب وريني كده عايزة اشوف ماما وحشتني اوي

ولاء

ايوه وانا كمان

بلغي البوليس ياولاء بسرعة عشان يلحقها لحسن تهرب

ولاء

ياحبيبتي ياماما بقا اللي كنتي بتساعديها وكنت معاها علطول وبتديها كل اللي هي عايزاه تعمل فيكي كده

منال

اللوم مش على تهاني اللوم علينا احنا اللي المفروض بناتها مكنش ينفع نسيب ماما لاي حد معاها غريب الدنيا مبقاش فيها امان

وبلغوا البوليس اللي قبض على تهاني وفتحي جوزها واعترفت ان فتحي هو اللي حرضها ودخلوا السچن

منال قالت

اللي حصل ده درس ولازم نتعلم منه ونعلم ولادنا انهم لما يكبروا محدش فيهم يروح يشوف حاله ويسبنا في كبر سننا مينفعش يسبونا لوحدنا

ايمان

عندك حق يامنال وكمان لما اي واحدة تجوز بنتها تجوزها لواحد يحترم امها ويحبها ومش يعملو زي ماحمدي عمل معايا وكان بيرفض

اني اخد امي عندي منك لله ياحمدي

ولاء

فعلا وكمان مفيش واحده تسيب امها في بلد وتروح تتغرب مع جوزها في بلد تانية احنا لازم نعلم ولادنا كده الله يرحمك ياماما كلنا ندمنا على بعدنا عنك بس بعد ايه وهيفيد بايه الندم

ايمان

خلاص ياحبايبي اكيد ماما في مكان احسن مفيش داعي كل واحدة فينا تحسس نفسها بالذنب

وبكده تكون خلصت حكايتنا